بداية التعارف

7 نصايح للـGentleman اللي بيستخدم الأبلكيشن

فريق عملنا طوّر الأبلكيشن للمستخدمين الجادين اللي بيدوروا على شريكة حياتهم، وفي كام نقطة بنحب ننصح بيها في بداية استخدامك للأبلكيشن، وهيوفرلك ترشيحات أكتر وأفضل من الطرف التاني.

  • الصورة الشخصية المناسبة بتعلي فرصة القبول بنسبة 40%، حط صورة مناسبة ليك من غير نظارة شمس، أو فلتر.
  • لو ربطت الحساب بالفيسبوك مش بيظهر على الفيسبوك عندك أنك اشتركت في الأبلكيشن، ولا حد من قايمة الأصدقاء بيظهر عنده اشتراكك، كل الموضوع أن ربط الفيسبوك بيبقى للتأكد من هوية المستخدمين، ولتسهيل التسجيل، والمعلومات بتكون Encrypted يعني الفيسبوك بيديهالنا مشفرة حتى أحنا مش بنقدر نوصل لحسابك بعينه، بس كأننا بنسأل الفيسبوك شوية أسئلة، وهو بيرد علينا.
  • الاسم الشخصي مهم جداً يبقى في حسابك على الفيسبوك عشان يزود مصداقيتك، وتجيلك ترشيحات أفضل يعني مش لازم أسماء زي (تايه في الغربة..أمير الأحزان) وغيرها.
  • رصيد الثقة  أو الـTrust score  مهم جداً أنك تزوده عشان تجيلك ترشيحات أفضل.
  • متستعجلش في طلب معلومات شخصية من الطرف التاني قبل ما تاخدوا وقت في التعارف، لأنها في الغالب مش هتكون حاسة بالأمان من استعجالك، خد وقتك في الكلام معاها في الأبلكيشن نفسه. خليك فاكر دايماً أن البنات بتحب الراجل التقيل ومش بتقلق منه.
  • الأبلكيشن مش بيقبل متزوجين، فلو أنت متجوز هيتم حظرك من الأبلكيشن.
  • لو حصل تجاوز من الطرف التاني، أو كذب في المعلومات الشخصية ممكن تعمل ريبورت، وإحنا هنحقق في
    الموضوع، ونقفل حسابها تماماً.ابدأ التعارف برسالة لطيفة هتزود فرصك في التواصل بشكل أفضل.