جوازات الصالونات وحكاويها ومواويلها

عروسة واتخرجتي من الجامعة؟ بتشتغل بالك سنتين تلاتة؟ أكيد هتظهر في حياتكم طنط فوزية، اللي كل والتاني بتكلم مامتك على عريس ولا عروسة شكل. كل اللي فيها أنها ساعات بتبقى عايزة تحقق أحلامها فيكوا بعد المعاش، وللآسف لو الجوازة كملت هتلبسوا فيها العمر كله.
كل واحد فينا أكيد قابل طنط على اختلاف اسمها، وتكوينها، وسنها، وكل الحاجات الحلوة بتاعتها دي، لكن يبقى السؤال في الآخر، ليه بنقبل على نفسنا كده؟ ونبقى كأننا مستنيين حتة الجاتوه، وحد يقيمنا على مزاجه؟ ليه منقررش بإيدينا بدل ما ندخل بيوت ناس منعرفاش، ونعمل مشاكل، ونتعرض لمواقف محرجة.
لو حد اتعرض لموقف سخيف وقتها بيكون وسط عيلته، وقدام طنط فوزية اللي جابت العريس، ولا العروسة من الأول.
اختياراتنا بإيدينا، وأكيد لو تحرينا الصدق، وضبطنا أولوياتنا في الاختيار هنوصل للسعادة اللي كلنا بندور عليها.